Luciano Becchio var kosinn leikmaður mánaðarins í febrúar í League One. Hann skoraði 6 mörk í mánuðinum, sem var slakur hjá liðinu. Aðrir í kjörinu voru Casper Ankergren og Lambert, frá Southampton og Martin frá Norwich.

Leedsarar hafa að mestu einokað þessi verðlaun í vetur;  Robert Snodgrass fyrir ágúst og september og Jermaine Beckford fyrir október, nóvember og desember.

Leeds hefur samið við hinn 37 ára gamla sóknarmann Poul Dickov til loka tímabilsins.

Hann hefur leikið með fjölmörgum liðum á Englandi en ekki alltaf verið vinsæll, er í vinsældaflokki með Craig Bellamy og Robbie Savage. Ef hann kemst í lið Leeds og hjálpar félaginu upp um deild, verður hann tekinn í sátt af stuðningsmönnum félagsins.