Leikur Leeds og Tottenham í FA-Cup á Elland Road á morgun, miðvikudag, verður í beinni útsendingu í Ölveri og hefst kl. 19:45.

Hinn sterki varnarmaður Leeds, Patrick Kisnorbo er tæpur vegna meiðsla og líka miðjumaðurinn Kilkenny. Það kemur ekki í ljós fyrr en rétt fyrir leik hvort þeir geti spilað.

Enginn af fyrrverandi leikmönnum Leeds, sem eru hjá Tottenham spila á morgun; Robbie Keane er farinn til Celtic að láni og mun spila í tveggja liða deildinni til vors. Woodgate og Lennon eru meiddir.

David Prutton er farinn frá Leeds, til Colchester. Hann þakkaði stuðningsmönnum Leeds í opnu bréfi á heimasíðunni og sagði það forréttindi að hafa spilað fyrir þetta félag.